#ദിനസരികള്‍ 367
||കോഴിക്കോട് എന്ന പേരില്‍
അയ്യപ്പനെക്കുറിച്ച്
പി കെ പാറക്കടവിന്റെ ഒരു കഥയുണ്ട്. കേള്‍ക്കുക.||
ഷെല്‍വിയുടെ
പുസ്തകശാലയില്‍ ചെന്നപ്പോള്‍ അയ്യപ്പിനിരിക്കുന്നു.”സുധീഷും രാമനുണ്ണിയും
വന്നിരുന്നു.അളകാപുരിയില്‍ ചെല്ലാന്‍ പറഞ്ഞു “ കബീര്‍ പറഞ്ഞു
ഞാന്‍ അയ്യപ്പനോടു പറഞ്ഞു” ഞാനിപ്പോള്‍
വരാം അയ്യപ്പാ”
“നീ വരില്ല എനിക്കറിയാം” അയ്യപ്പന്റെ
വാക്കുകളില്‍ കറുപ്പ്
അളകാപുരിയില്‍
പുസ്തകപ്രകാശനച്ചടങ്ങ് . ഞാന്‍ അയ്യപ്പന്‍ അവിടെയിരിക്കുന്ന കാര്യം പറഞ്ഞു.
ഷെല്‍വി പറഞ്ഞു “അയ്യപ്പനവിടെ
ഉണ്ടാകില്ല.രാംദാസ് വൈദ്യരുടെ അടുത്തു പോകുന്നെന്ന് പറഞ്ഞ് പോയതാണ്”
ചടങ്ങു കഴിഞ്ഞ് ഞങ്ങള്‍
പുറത്തിറങ്ങും നേരം മുന്നില്‍ അയ്യപ്പന്‍.ഞങ്ങളെ അത്ഭുതപ്പെടുത്തിക്കൊണ്ട്
അയ്യപ്പന്റെ കൈയ്യില്‍ മുടന്തി നടക്കുന്ന ഒരാട്ടിന്‍ കുഞ്ഞ്
“അല്ല , ഇതെന്താ
അയ്യപ്പാ ?” ഞങ്ങള്‍
അത്ഭുതംകൊണ്ടു
അയ്യപ്പന്‍ ആ കൊല്ലുന്ന
ചിരി ചിരിച്ചു.എന്നിട്ട് കീശയില്‍ നിന്ന് വലിയ ഓരോ അരയാല്‍ മരങ്ങളെടുത്ത് ഞങ്ങള്‍ക്കു
തന്നു
||ഇനി അയ്യപ്പന്റെ കവിത||
||പാളങ്ങള്‍||
പക്ഷികളുടെ പാട്ടും
പുഴയും പൂക്കളും
അമ്മയുടെ വിലാപവും നിറഞ്ഞ
തകര്‍ന്ന ഛന്ദസ്സിന്റെ
പ്രഭാതത്തില്‍
ചങ്ങാതി തലവെച്ച
പാളത്തിലൂടെ
ഞാന്‍ തീര്‍ത്ഥാടനത്തിനു
പോയി
യമുന നിറയെ കണ്ണുനീര്‍
ഗംഗാജലത്തിന് ശവത്തിന്റെ
രുചി
ഹിമാലയത്തില്‍
രക്തം ഘനീഭവിച്ച
മഞ്ഞുകട്ടകള്‍.
||അയ്യപ്പനെക്കുറിച്ചൊരു
കവിത||
||അയ്യപ്പന്‍||
||അന്‍വര്‍ അലി||
ഒറ്റക്കേ യാത്രചെയ്‌വോ,
നടിയിളകിയ പാഴ് –
പ്പാദുകം മാത്രമായോന്‍
കൂട്ടങ്ങള്‍ക്കന്യനാരും
ബഹിര്‍ നയനതയാല്‍
കണ്ടിടാക്കാഴ്ച കാണ്മോന്‍
ദുഖത്തിന്‍ കാട്ടില്‍
മഞ്ഞപ്പുലിയുടെ ചിരിമേ
ലേറിയേ സഞ്ചരിപ്പോ –
നയ്യപ്പന്‍ ചോരകൊണ്ടേ
കവിതകഴുകുവോന്‍
ബുദ്ധരില്‍ ഭ്രാന്തനായോന്‍.
Comments