എല്ലാം പറഞ്ഞു കഴിഞ്ഞു ! എല്ലാ നിറവും വരഞ്ഞു ! ഇല്ലാ , നമുക്കിനിയൊന്നും - തമ്മില്‍ ചൊല്ലു , വാനെല്ലാം കഴിഞ്ഞു ! നാമാദ്യം കണ്ട വഴികള്‍ - നമുക്കേകുന്നു യാത്രാമൊഴികള്‍ ! നീ തിരിച്ചങ്ങു നടന്നു മെല്ലെ , ഞാന്‍ ത രി ച്ചിങ്ങനെ നില്പൂ ! എല്ലാം പറഞ്ഞു കഴിഞ്ഞും - എനിക്കെന്തോ പറയുവാനുണ്ടോ ? ! എല്ലാം പറഞ്ഞു കഴിഞ്ഞും എനിക്കെന്തോ പറയുവാനുണ്ട് ! രാവിന്‍ തരിശില്‍ തനിച്ച് ! നോവിന്‍ മുനകളില്‍ കോര്‍ത്ത് ! പാതിമരിച്ച മനസ്സിന്‍ - വിട്ടുപോകാത്ത പാതിയില്‍ വെന്ത് ! എങ്ങോട്ടുമായാത്ത കാലും ഒന്നുമേ കാണാത്ത കണ്ണും എന്തോ പറയുവാനോങ്ങി യെന്നോ തരിച്ചൊരു നാവും ഇന്നീ വഴിതന്നിരുട്ടില്‍ വല്ലാതെ നൊന്തു നില്പുണ്ട് ! ദുര്‍മൃതിത്തോറ്റങ്ങള്‍ ചുറ്റും തമ്മില്‍ തല്ലിക്കളിച്ചു നില്പുണ്ട് ! എല്ലാം പറഞ്ഞു കഴിഞ്ഞും - എനിക്കെന്തോ പറയുവാനുണ്ട് ! എല്ലാം പറഞ്ഞു കഴിഞ്ഞും - നീ എങ്ങോ മറഞ്ഞു കഴിഞ്ഞും എനിക്കെന്തോ പറയുവാനുണ്ട് ! എനിക്കെന്തോ പറയുവാനുണ്ട് ! || ദിനസരികള് - 26 -2025 ഏപ്രില് 26, മനോജ് പട്ടേട്ട് ||
