#ദിനസരികള്‍ 343

-

            മാര്‍ക്സിസത്തിന്റെ അടിത്തറയില്‍ ഊന്നിനിന്നുകൊണ്ടാണ് സാഹിത്യത്തിന്റെ വിവിധ മേഖലകളില്‍ ഇടപെടുന്നതെങ്കിലും മാര്‍ക്സിസ്റ്റ് വിമര്‍ശകരാല്‍ അത്രയൊന്നും ശ്രദ്ധിക്കപ്പെട്ടിട്ടില്ലാത്ത വശങ്ങളെക്കൂടി സംസ്കാരികവിമര്‍ശനത്തിന്റെ അതിരുകളില്‍ ഉള്‍‌പ്പെടുന്നു എന്നുള്ളത് പി ജി ഊന്നിപ്പറയുന്നു.”കൃതിയുടെ ഉല്പാദനപ്രക്രിയ വിതരണം അനുവാചകര്‍‌ ആസ്വദിക്കുകയും പ്രതികരിക്കുകയും ചെയ്യുന്ന സമ്പ്രദായം മുതലായവ ഉദാഹരണം.കൂടാതെ നിലവാരം കുറഞ്ഞതെന്നും പൈങ്കിളിയെന്നും കരുതപ്പെടുന്ന കൃതികളും ഈ പദ്ധതിക്ക് അന്യമല്ല.” കാലങ്ങളായി നിര്‍മിച്ചു വെച്ചിരിക്കുന്ന അര്‍ത്ഥബോധങ്ങളെ രാഷ്ട്രീയമായി പുനര്‍വായിക്കുക എന്നത് ക്ഷിപ്രസാധ്യമായ കാര്യമല്ല.സാസ്കാരിക പഠനവും മാര്‍ക്സിസവും പരസ്പരം കഠിനമായി ബന്ധപ്പെട്ടിരിക്കുന്നു.” സാംസ്കാരിക പഠന പദ്ധതി ആധുനിക മാധ്യമവിപ്ലവത്തിന്റേയും അച്ചടിയും ദൃശ്യവുമായ ജനപ്രിയകലാസൃഷ്ടികളുടേയും മധ്യത്തില്‍ അവയോടുള്ള പ്രതികരണവും വ്യാഖ്യാനവും ആയിട്ടാണ് രൂപം കൊണ്ടതായതാണ് പുതുമകള്‍ക്ക് കാരണം.എന്നാല്‍ കലയുടേയും സംസ്കാരത്തിന്റേയും സാമൂഹ്യഅടിത്തറ അംഗീകരിക്കുകയും അവയെക്കൂടി വിശകലനം ചെയ്താലേ സാഹിത്യനിരൂപണം അര്‍ത്ഥവത്തും പൂര്‍ണവും ആവുകയുള്ളു എന്നും വാദിച്ചു പോന്ന മാര്‍ക്സിസ്റ്റ് നിരൂപണപാരമ്പര്യത്തിന് സാംസ്കാരിക പഠനങ്ങളുടെ മൂലസ്രോതസ്സുകള്‍ കണ്ടെത്താം.”
            സാംസ്കാരിക പഠനരംഗത്തെ പ്രവണതകളെ ചൂണ്ടിക്കാണിക്കാനും ചടുലമായി വികസിച്ചുകൊണ്ടിരിക്കുന്ന ഈ ആശയത്തിന്റെ പ്രയോക്താക്കളെ പരിചയപ്പെടുത്താനും പിജിയുടെ ലേഖനത്തിന് കഴിയുന്നുണ്ട്. സാസ്കാരിക പഠനത്തിന്റെ മേഖലയില്‍  മലയാളത്തിന് പി ജി നല്കിയ സംഭാവന എത്ര മഹത്തരമായിരിക്കുന്നുവെന്ന് അദ്ദേഹത്തിന്റെ ലേഖനങ്ങളിലൂടെ കടന്നുപോയാല്‍‌ നമുക്ക് ബോധ്യമാകും.ആധികാരികമായ എത്രയോ കുറിപ്പുകള്‍ പി ജി ഈ വിഷയത്തില്‍ എഴുതിയിട്ടുണ്ട്. സംസ്കാരം കുഴപ്പം പിടിച്ച വാക്ക്, സാസ്കാരിക പഠനത്തിന്റെ പ്രസക്തി , ഭരണകൂടവും സംസ്കാരവും, സംസ്കാരവും രാഷ്ട്രീയവും , സാംസ്കാരിക ഭൌതികവാദവും പൈങ്കിളിയുടെ ശാപമോക്ഷവും , കല സമൂഹവും സൌന്ദര്യവും തുടങ്ങിയവ അവയില്‍ ചിലതുമാത്രമാണ്.ഈ പുസ്തകത്തിലേയും പ്രധാനപ്പെട്ടെ ലേഖനങ്ങളിലൊന്ന് പിജിയുടേതുതന്നെയാണെന്ന് നിസ്സംശയം പറയാം.സാസംകാരി പഠനത്തിന്റെ പ്രസക്തിയും വ്യാപ്തിയും വ്യക്തമാക്കുന്ന ഒരു വിഹഗവീക്ഷണമാണ് അദ്ദേഹം ഈ ലേഖനത്തിലൂടെ മുന്നോട്ടു വെക്കുന്നത്.സാംസ്കാരിക പഠനം എന്തെന്ന് വ്യക്തമാക്കാന്‍ ഈ പഠനത്തിന് കഴിയുന്നുണ്ട്


Comments

Post a Comment

Popular posts from this blog

#ദിനസരികള്‍ 1192 - കടമ്മനിട്ടയുടെ മകനോട്

-
Image
            മകനെ , നീ നാട്ടുപൌരനാകാതൊരു           മനുഷ്യനായ്ത്തന്നെ വളരൂ           മകനെ , നീ വെറും മാന്യനാകാതിന്നു           മനുഷ്യന്റെ പച്ചയായ്ത്തീരൂ - എന്ന് മകനോട് എന്ന കവിതയില്‍ കടമ്മനിട്ട ഉപദേശിക്കുന്നുണ്ട്. പച്ചമനുഷ്യനായി , മണ്ണില്‍ കാല്‍കുത്തി നില്ക്കുക എന്നാണ് കവി പറയുന്നത്. നാട്യങ്ങളുടെ പുറംപൂച്ചുകളില്‍ നിന്നും പുറത്തു കടക്കുവാനും അലങ്കാര സമൃദ്ധമായ പൊള്ളവാക്കുകള്‍കൊണ്ടല്ല,   മനുഷ്യനോട് മനുഷ്യന്‍ ഹൃദയം കൊണ്ട് സംവദിക്കുന്ന നിമിഷങ്ങളെ പരുവപ്പെടുത്തിയെടുക്കാനാണ് കവി ആവശ്യപ്പെടുന്നത്. എന്നാല്‍ സ്വാഭാവികവും സത്യസന്ധവുമായ രീതികള്‍ അട്ടിമറിയ്ക്കപ്പെടുകയും പുഞ്ചിരി കുലീനമാം കള്ളമായി മാറുകയും ചെയ്യുന്ന ഒരു വ്യവസ്ഥ അവസാനമില്ലാതെ തുടരുന്നതില്‍ കലികൊണ്ട കവിതന്നെ മറ്റൊരു കാലത്ത് ഉഗ്രരൂപിയായി പ്രത്യക്ഷപ്പെട്ട് ഉലകിന്റെ മുഖമാകെ താറടിക്കാന്‍ മുതിരുന്ന ഒരു സാഹചര്യത്തേയും നാം കാണുന്നു :-           ഓടയിലോടുമഴുക്കിന്റെ ചാലില്‍ നി           ന്നീമണിമേട ഞാന്‍ താറടിക്കും           നഗ്നചിത്രങ്ങള്‍ കരിയിലെഴുതിയീ           മുഗ്ദഭാവങ്ങളെ മായ്ച്ചു വെയ്ക്കും           വര്‍ണപ്പകിട്ടുകള്‍
Read more
-
മേഘസന്ദേശം - കാളിദാസന്‍ ശ്ലോകം - 1 കശ്ചില്‍ കാന്താ വിരഹഗുരുണാ സ്വാധികാരാല്‍ പ്രമത്ത ശാപേനാസ്തംഗമിതമഹിമാ വര്‍ഷഭോഗ്യേണ ഭര്‍ത്തു യക്ഷശ്ചക്ര ജനകതനയാ സ്നാനപുണ്യോദകേഷു സ്നിഗ്ദച്ഛായാതരുഷു വസതിം രാമഗിര്യാശ്രമേഷു   അനാദികാലം.അളകാനഗരി.യക്ഷലോകം. വൈശ്രവണഭരണം. സ്വകര്‍മ്മത്തില്‍ മനസ്സുറപ്പിക്കായ്കയാല്‍ പിഴ പിണഞ്ഞ രാജകിങ്കരനായ ഒരു യക്ഷന് സ്വാമി വിധിച്ചത് ഒരു വര്‍ഷം ഭാര്യാവിയോഗം. നഷ്ടസിദ്ധനായ യക്ഷന്‍ ജനകാത്മജയുടെ കേളീവിപിനമായ  രാമഗിര്യാശ്രമസ്ഥാനത്ത് കഴിഞ്ഞുകൂടി. യജമാനന്‍ എന്തുകൊണ്ട് യക്ഷന് ഭാര്യാവിയോഗം വിധിച്ചു? കാന്താതിസക്തിമൂലമെന്ന് കരുതുന്ന നിരൂപകരുണ്ട്. എന്നാല്‍ കാന്ത പ്രിയപ്പെട്ടതായതുകൊണ്ട് , എന്നല്ല ഏറ്റവും പ്രിയപ്പെട്ടതായതുകൊണ്ട് , അതിദുഖകാരണമായിക്കോളുമെന്നതിനാലാണ് നൃപതി വിരഹം വിധിച്ചതെന്ന് പിന്നാലെ വരുന്ന കഥാസന്ദര്‍ഭങ്ങള്‍ ചൂണ്ടിക്കാട്ടുന്നുണ്ട് ; അങ്ങനെ വിചാരിക്കുന്നതാണ് യുക്തവും.           കാളിദാസകവിയുടെ മേഘസന്ദേശത്തിന് ജി ശങ്കരക്കുറുപ്പിന്റെ പരിഭാഷ :-       പേരോര്‍ക്കുന്നീല , കൃത്യപ്പിഴ പിണയുകയാലാദ്യമായിട്ടൊരാണ്ടേ - യ്കോരോമല്‍ക്കാന്ത വേറിട്ടപഗതമഹിമാവായ് നിജ
Read more

#ദിനസരികള്‍ 389 മലയാളത്തിലെ ഖണ്ഡകാവ്യങ്ങള്‍ -1

-
കണ്ണുനീര്‍ത്തുള്ളി ജീവിതം അതിന്റെ സമസ്തഭംഗികളും മുന്നില്‍ വിരിച്ചിട്ടിരിക്കുന്ന അസുലഭമുഹൂര്‍ത്തത്തില്‍ ഇണകളിലൊരാള്‍ എന്നേക്കുമായി വേര്‍പിരിയുക എന്നതിനപ്പുറം മറ്റെന്തു വേദനയാണുള്ളത് ? അ ത്തരമൊരു വിയോഗത്തിന്റെ വേദനയില്‍ നിന്നാണ് നാലാപ്പാടന്റെ കണ്ണുനീര്‍ത്തുള്ളി എന്ന വിലാപകാവ്യം ജന്മമെടുക്കുന്നത്.തന്റെ പ്രാണപ്രേയസ്സിയുടെ അകാലചരമമുണ്ടാക്കിയ നടുക്കത്തിന്റെ നിലക്കാത്ത മുഴക്കം ആ കവിതയിലുടനീളം രേഖപ്പെടുത്തപ്പെട്ടിരിക്കുന്നത് നമുക്ക് അനുഭവിച്ചറിയാം.             ഒരുപാടു കാലത്തെ കാത്തിരിപ്പിനും സഹനത്തിനും ശേഷമാണ് തന്റെ ബാല്യകാലസഖികൂടിയായ കളിക്കൂട്ടുകാരിയെ ജീവിതത്തിലേക്ക് ആനയിക്കാനുള്ള സൌഭാഗ്യം കവിക്ക് കരഗതമാകുന്നത്.അതുകൊണ്ടുതന്നെ അവരുടെ പ്രണയത്തിനും ജീവിതത്തിനും സവിശേഷമായ ഒരാഴവും ഭംഗിയുമുണ്ടായിരുന്നു.             മുതിര്‍ന്നു മെല്ലെച്ചെറുപിച്ചവെപ്പാന്‍             തുടര്‍ന്ന നാള്‍ തൊട്ടു പിരിഞ്ഞിടാതെ             ഒരമ്മ തന്‍ രണ്ടു കിടാങ്ങളെന്ന പോലെ കഴിച്ച ആ നാളുകളെക്കുറിച്ച് കവി അനുസ്മരിക്കുന്നുണ്ട്.മനോഹരമായ ആ സ്മരണകളിലും തങ്ങള്‍ കൂടിച്ചേര്‍ന്നതിന്റെ സന്തോഷത്തിലും വിരഹകാലത്തിന്റെ കെട
Read more