manojpattat.blogspot.com

            സ്വര് ‍ ണക്കടത്തുകേസില് ‍‌ പിണറായി വിജയനേയും സി പി ഐ എമ്മിനേയും പ്രതിക്കൂട്ടിലാക്കാന് ‍ നടത്തിയ കൊണ്ടു പിടിച്ച ശ്രമങ്ങളെല്ലാം തന്നെ പാഴായിപ്പോയതില് ‍  നമ്മുടെ മാധ്യമങ്ങള് ‍  ഇപ്പോള് ‍   അനുഭവിക്കുന്ന ഇച്ഛാഭംഗത്തിന്റെ ആഴം മനസ്സിലാക്കാനാവുന്നതേയുള്ളു . ഏതെങ്കിലും വിധത്തില് ‍  സി പി ഐ എമ്മിനുള്ള ബന്ധം സ്ഥാപിച്ചെടുക്കാന് ‍  കിണഞ്ഞു ശ്രമിച്ചിട്ടും ഒന്നും നടന്നില്ലെന്നു മാത്രമല്ല , യു ഡി എഫിന്റേയും ബി ജെ പിയുടേയും   സജീവ പ്രവര് ‍ ത്തകര് ‍ അറസ്റ്റിലാകുകയും ചെയ്തതോടെ വിഷയത്തില് ‍  രാഷ്ട്രീയ പക്ഷപാതത്തോടെ ഇടപെട്ട മാധ്യമങ്ങളാണ് ഒന്നാമതായി വെട്ടിലായത്. പ്രതിപക്ഷ കക്ഷികളെ സംബന്ധിച്ച് സര് ‍ ക്കാറിനെ പ്രതിക്കൂട്ടിലാക്കാനുള്ള ഏതൊരവസരത്തേയും വിനിയോഗിക്കാന് ‍ ശ്രമിക്കുമെന്ന കാര്യം അംഗീകരിച്ചാല് ‍  തന്നെ നമ്മുടെ മാധ്യമങ്ങള് ‍ വെട്ടുക്കിളികളെപ്പോലെ പറന്നുവീണ് അസത്യപ്രചാരണത്തിന്റെ കവലപ്രാസംഗികരായി മാറിയതിനെ കേരളത്തിലെ ജനങ്ങള് ‍  കാണാതിരിക്...

            അമ്മ മരിക്കുന്നതിനു മുമ്പേ അച്ഛന്‍ മരിച്ചിരുന്നു.അദ്ദേഹത്തിന് അമ്മയെക്കാള്‍ കുറച്ചു കൂടുതല്‍ പ്രായമുണ്ടായിരുന്നു. അദ്ദേഹം 1956 ഒക്ടോബര്‍ 21 ന് മരിച്ചു.അന്നേക്ക് എനിക്ക് പതിമൂന്നു വയസ്സ് പൂര്‍ത്തിയായി രണ്ടുമാസം കഴിഞ്ഞിട്ടുണ്ടായിരുന്നു.           സ്പാനിഷ് ആഭ്യന്തരയുദ്ധം നടക്കുമ്പോള്‍ എനിക്ക് പത്തു വയസ്സു തികഞ്ഞിട്ടുണ്ടായിരുന്നില്ല.1936 ജൂലൈ 18 ന് ആണല്ലോ യുദ്ധമുണ്ടാകുന്നത്.എനിക്ക് അപ്പോള്‍ ഒമ്പതു വയസ്സും പതിനൊന്നു മാസവുമായിരുന്നു പ്രായം.അപ്പോഴേക്കും ഞാന്‍ എഴുതാനും വായിക്കാനും പഠിച്ചിരുന്നു.കലാപസമയത്ത് ബിരാനില്‍ അച്ഛന്റെ കൂടെ പണിക്കുണ്ടായിരുന്ന സ്പാനിഷുകാര്‍ കലാപകാരികളുടെ അഥവാ വിപ്ലവകാരികളുടെ കൂടെയായിരുന്നു.           സ്പാനീഷ് ആഭ്യന്തരയുദ്ധം നടക്കുന്ന വര്‍ഷം എന്നെ സാന്റിയാഗോയിലെ ഒരു ബോര്‍ഡിംഗ് സ്കൂളില്‍ ചേര്‍ത്തിരുന്നു. ഞാന്‍ അവധിക്ക് വീട്ടിലെത്തുമ്പോഴേക്കും യുദ്ധവും ആരംഭിച്ചിരുന്നു. ഞാനന്ന് രണ്ടാം തരത്തിലേ...

            ഇസ്താംബൂളിലെ ഹഗ്ഗിയ സോഫിയ മുസ്ലിംമതവിശ്വാസികള്‍ക്ക് ആരാധനയ്ക്കായി തുറന്നുകൊടുത്തു. ഇന്നലെ നടന്ന പ്രാര്‍ത്ഥനയില്‍ ഏകദേശം മൂന്നു ലക്ഷത്തോളം ആളുകള്‍ പങ്കെടുക്കുകയും തുര്‍ക്കിയുടെ പ്രസിഡന്റ് എര്‍‌ദോഗന്‍ നേരിട്ട് നേതൃത്വം നല്കുകയും ചെയ്തതായി മാധ്യമങ്ങള്‍ റിപ്പോര്‍ട്ടു ചെയ്യുന്നു.           ബൈസാന്റിയന്‍ കാലഘട്ടത്തോളം നീണ്ടു നില്ക്കുന്ന സുദീര്‍ഘമായ ഒരു ചരിത്രമാണ് ഈ ക്രൈസ്തവ ആരാധനാലയത്തിനുള്ളത്. പൌരസ്ത്യ റോമാസാമ്രാജ്യം അതിന്റെ പാരമ്യതയില്‍ എത്തി നിന്നിരുന്ന കാലത്താണ് ദേവാലയം പണികഴിപ്പിക്കപ്പെടുന്നത്. പിന്നീട് പലതവണ ദേവാലയത്തിനു നേരെ ആക്രമണങ്ങള്‍ നടന്നുവെങ്കിലും 550 ല്‍ കേടുപാടുകള്‍ തീര്‍ത്ത് പുതുക്കിപ്പണിത ദേവാലയമാണ് ഇന്നുള്ളത്. പില്ക്കാലത്ത് പ്രസ്തുത ക്രൈസ്തവ ദേവാലയം മുല്സിം പള്ളിയാക്കി മാറ്റപ്പെട്ടു. ദീര്‍ഘകാലം ആ സ്ഥിതിവിശേഷം തുടര്‍ന്നെങ്കിലും അത്താത്തുര്‍ക്ക് എന്നറിയപ്പെടുന്ന കമാല്‍ പാഷയുടെ ഭരണകാലത്ത് , കൃത്യമായി പറഞ്ഞാല്‍ 1935 ല്‍, ആ ദേവാലയം ഒരു മ്യൂസിയമാക്കി മ...

            ഒരു ആന്‍‍ഡ്രോയിഡ് ആപ്പിനെക്കുറിച്ച് എഴുതട്ടെ. AnyBooks എന്നാണ് ആപ്പിന്റെ പേര്. പേരു സൂചിപ്പിക്കുന്നതുപോലെ പുസ്തകങ്ങള്‍ക്കു വേണ്ടിയുള്ള ഒരാപ്പാണിത്. പുസ്തകങ്ങളുടെ ഒരു വന്‍ ശേഖരം തന്നെ ഇവിടുണ്ട്. ഞാന്‍ അന്വേഷിച്ചവയില്‍ 99.99 ശതമാനം പുസ്തകങ്ങളും ഇവിടെ നിന്നും കിട്ടിയിട്ടുമുണ്ട്. ഇല്ലാത്തവ നമുക്ക് ആവശ്യപ്പെടുകയും ചെയ്യാമെന്ന പ്രത്യേകതയു മുണ്ട്. നാളിതുവരെ നിരവധി നിരവധിയായ ആപ്പുകളുമായി ഇടപെടേണ്ടി വന്നിട്ടുണ്ടെങ്കിലും എനിക്ക് ഏറെ ഇഷ്ടപ്പെട്ട ഒന്നാണ് AnyBooks എന്ന് എടുത്തു പറയട്ടെ.           ആദ്യത്തെ മൂന്നാലുമാസം തികച്ചും സൌജന്യമായി ഉപയോഗിച്ചതിനുശേഷമാണ് ഞാനിതു വില കൊടുത്തു വാങ്ങുവാന്‍ തീരുമാനിക്കുന്നത്. നാലുമാസം മുമ്പ് 620 രൂപയായിരുന്നു വില.(920 ല്‍ നിന്ന് വില കുറച്ചു കൊണ്ട് ഒരോഫറുണ്ടായിരുന്നപ്പോഴാണ് വാങ്ങിയത്. ) കേവലം ഒരു പുസ്തകം വാങ്ങുന്ന വിലയ്ക്ക് ലഭ്യമാകുന്ന ഈ ആപ്പ് ഇന്നത്തെ നിലയില്‍ ജീവിതകാലം മുഴുവന്‍തന്നെ അറുനൂറ്റിയിരുപത് രൂപയ്ക്ക് ആപ്പ് ഉപയോഗിക്കാന്‍ കഴിയുന്നുവെന്നത്...

( ഡോക്ടര്‍ അംബേദ്കറിന്റെ Who were Shudras ? എന്ന കൃതിയിലൂടെ )             ഋഗ്വേദത്തിലെ പത്താം മണ്ഡലത്തിലെ എഴുപത്തിരണ്ടാം മന്ത്രത്തില്‍ വിവരിക്കുന്ന പ്രപഞ്ചഘടന ഇങ്ങനെയാണ് 1.                   തങ്ങളെക്കുറിച്ചുള്ള സ്തുതിഗീതങ്ങള്‍ പാടുമ്പോള്‍ ആരാധകരെ അനുകമ്പാപൂര്‍വ്വം അഭിവീക്ഷിക്കുന്ന ദേവതമാരുടെ പുതിയ തലമുറയെക്കുറിച്ച് നമുക്ക് വാഴ്ത്തിപ്പാടാം. 2.                   കൊല്ലന്‍ ഉലയൂതി വീര്‍പ്പിക്കുന്നതുപോലെ ബ്രാഹ്മണസ്പതി ദൈവങ്ങളുടെ തലമുറയെ പൂര്‍ത്തീകരിച്ചു. ഒന്നുമില്ലായ്മയില്‍ നിന്ന് എല്ലാം ഉണ്ടായി വന്നു. 3.                   അപ്രകാരം സത്തുണ്ടായതിനു ശേഷം മുകളിലേക്ക് വളരുന്ന വൃക്ഷങ്ങളുണ്ടായി. 4.            ...

            മകനെ , നീ നാട്ടുപൌരനാകാതൊരു           മനുഷ്യനായ്ത്തന്നെ വളരൂ           മകനെ , നീ വെറും മാന്യനാകാതിന്നു           മനുഷ്യന്റെ പച്ചയായ്ത്തീരൂ - എന്ന് മകനോട് എന്ന കവിതയില്‍ കടമ്മനിട്ട ഉപദേശിക്കുന്നുണ്ട്. പച്ചമനുഷ്യനായി , മണ്ണില്‍ കാല്‍കുത്തി നില്ക്കുക എന്നാണ് കവി പറയുന്നത്. നാട്യങ്ങളുടെ പുറംപൂച്ചുകളില്‍ നിന്നും പുറത്തു കടക്കുവാനും അലങ്കാര സമൃദ്ധമായ പൊള്ളവാക്കുകള്‍കൊണ്ടല്ല,   മനുഷ്യനോട് മനുഷ്യന്‍ ഹൃദയം കൊണ്ട് സംവദിക്കുന്ന നിമിഷങ്ങളെ പരുവപ്പെടുത്തിയെടുക്കാനാണ് കവി ആവശ്യപ്പെടുന്നത്. എന്നാല്‍ സ്വാഭാവികവും സത്യസന്ധവുമായ രീതികള്‍ അട്ടിമറിയ്ക്കപ്പെടുകയും പുഞ്ചിരി കുലീനമാം കള്ളമായി മാറുകയും ചെയ്യുന്ന ഒരു വ്യവസ്ഥ അവസാനമില്ലാതെ തുടരുന്നതില്‍ കലികൊണ്ട കവിതന്നെ മറ്റൊരു കാലത്ത് ഉഗ്രരൂപിയായി പ്രത്യക്ഷപ്പെട്ട് ഉലകിന്റെ മുഖമാകെ താറടിക്കാന്‍ മുതിരുന്ന ഒരു സാഹചര്യത്തേയും നാ...