നിസ്വന്‍

-
_____________________________________

ഇന്ന്
ഒരു വര്‍ത്തമാനപത്രവും വായിക്കില്ല ഞാന്‍ .
ആഘോഷം അവനായിരിക്കും

കാറ്റുപോലെയൊരുവന്‍
കൂട്ടിവെക്കാത്തവന്‍ .
കണ്ണില്‍ കദനം നിറച്ച്
തെരുവില്‍ കവിത വിളിച്ചു പറഞ്ഞവന്‍
സ്ഫടികത്തിലൂടെ പ്രകാശമെന്നപോല്‍
അവന്‍ നിങ്ങളിലൂടെ കടന്നുപോയി
എവിടേയും സ്പര്‍ശിക്കാതെ
ഒന്നിനുമായി കാത്തുനില്കാതെ -
എഴുത്തിങ്ങനെ തുടരും.
വിശേഷണങ്ങള്‍ നീളും
ഇടക്ക് എഴുതുന്ന പേന താഴെവെച്ച്
കൈയ്യൊന്നു തുടച്ച്
എ.സിയുടെ ശീതളിമ കുറച്ച്
വീണ്ടും അവന്നായി വാക്കുകള്‍ പരതി...
അങ്ങനെ...


ഇന്ന് ഒരു ദിനപത്രവും വായിക്കില്ല ഞാന്‍

ഒരു കടല്കരയില്‍ 
ഒരു കുഴിയില്‍
ഒരു തെണ്ടിയെ
അടക്കം ചെയ്ത്
ഉപ്പുവെള്ളത്തില്‍ കണ്ണുകഴുകി
നിസ്വനായി ഞാന്‍ മടങ്ങും.


എന്റെ പൂന്തോട്ടത്തില്‍
അവന്നായി ഒരു മൊട്ടുപോലുമില്ല.

Comments

റഷീദ് കോട്ടപ്പാടം said…
എന്റെ പൂന്തോട്ടത്തില്‍
അവന്നായി ഒരു മൊട്ടുപോലുമില്ല...

Good!
January 16, 2011 at 9:02 PM
ജയിംസ് സണ്ണി പാറ്റൂർ said…
വായിച്ചു. ഇഷ്ടപ്പെട്ടു.
February 4, 2011 at 7:29 AM
chithrakaran:ചിത്രകാരന്‍ said…
പാവത്തിനോട് അത്ര ക്രൂരത വേണ്ടായിരുന്നു :)
February 28, 2011 at 7:59 AM
Post a Comment

Popular posts from this blog

കവിതാവാരം - ആഴ്ചപ്പതിപ്പുകളിലെ കവിതകളിലൂടെ – 1.

-
എനിക്ക് കവിത വായിക്കാനറിയില്ല. എഴുതാനറിയില്ല. ചൊല്ലാനറിയില്ല. ഇതുമൂന്നും ലളിതബുദ്ധികളുടെ വ്യായാമകേന്ദ്രങ്ങളോ ആശ്രയസ്ഥാനങ്ങളോ അല്ല എന്ന ബോധ്യമെനിക്കുണ്ട്. കവിതാവായന വെറും വായനയല്ല. ഉള്ളിലുള്ളത് തോണ്ടിപ്പുറത്തിടുകയും പുറത്തുള്ളത് അകംമറിക്കുകയും ചെയ്യുന്ന മായാജാലമാണ്. പറഞ്ഞതും പറഞ്ഞതിനപ്പുറവും കണ്ടെത്തേണ്ടുന്ന , അധികമധികം ഉത്തരവാദിത്തം പ്രകടിപ്പിക്കേണ്ട ചിത്തവൃത്തിയാണ് കവിതവായിക്കുക എന്നത്.അടുക്കാന്‍ ശ്രമിക്കവേ , ആയുധികളുടെ വിദഗ്ദമായ വിളയാട്ടത്താല്‍ മുറിപ്പെടുത്തിയ മഹാകവികളുണ്ട് .കവിയുടെ ആയുധമെന്ന് പറയുന്നത് ലോഹക്കൂട്ടിന്റെ നിശിതമായ തലപ്പുകളല്ല , കല്പനാശക്തിയുടെ വൈഭവമാണ്. നിമ്നോന്നതങ്ങളിലൂടെ തേരുരുള്‍ പായിക്കലാണ്. ഹാ വിജിഗീഷു മൃത്യവിന്നാമോ ജീവിതത്തിന്‍ കൊടിപ്പടം താഴ്ത്തുവാന്‍ ? എന്ന കൊള്ളിയാന്‍ മിന്നിക്കലാണ്.ഭക്തിമയസ്വരത്തില്‍ ആനന്ദലബ്ദി തേടുന്നതു മാത്രമല്ല , നിരത്തില്‍ മുലചപ്പി വലിക്കുന്ന നവാതിഥിയെ കണ്ടെത്തലും കവിതയാണ്.അതുകൊണ്ട് കവിത വായിച്ചാല്‍ മാത്രം പോര , ആ ഗര്‍ഭഗൃഹത്തിലേക്ക് നൂണ്ടുകയറി  പ്രതിഷ്ഠ ഉറപ്പിച്ചിരിക്കുന്ന രസക്കൂട്ടിനെ കണ്ടെത്തുകതന്നെ വേണം. അത്രയും ആണ്ടിറങ്ങുക എന്നത് ...
Read more

#ദിനസരികള്‍ 55

-
            നാടന്‍ ചാരായം ഉണ്ടാക്കുന്നതിന് ഒരു പ്രഷര്‍കുക്കറും മുളപ്പിച്ച കുറച്ചു ധാന്യങ്ങളും മതി.ഇക്കാര്യം ഭരിക്കുന്നവര്‍ക്ക് അറിയില്ലെങ്കിലും ജനങ്ങളില്‍ ഭൂരിപക്ഷം പേര്‍ക്കും അറിയാം.ഭൂരിപക്ഷം പേര്‍ക്കും അറിയാമെങ്കിലും വളരെച്ചെറിയ ഒരു വിഭാഗം മാത്രമേ ഇതിന്റെ പ്രായോഗികതയെക്കുറിച്ച് ചിന്തിക്കാറുള്ളു. അങ്ങനെ പ്രായോഗികതയെക്കുറിച്ച് ചിന്തിക്കുന്നവരില്‍ത്തന്നെ വളരെക്കുറച്ചു പേരേ നടപ്പില്‍ വരുത്തുവാന്‍ ഉദ്യമിക്കാറുള്ളു. ആ ഉദ്യമത്തെയാണ് നമ്മുടെ നിയമം നാടന്‍ വാറ്റ് എന്ന വിഭാഗത്തില്‍‍പ്പെടുത്തി , ശിക്ഷിക്കപ്പെടേണ്ടുന്ന കുറ്റകൃത്യമായി പരിഗണിച്ച് നടപടികള്‍ സ്വീകരിക്കാറുള്ളത്. വില്പനക്ക് വേണ്ടി വന്‍‌തോതിലും വിശേഷാവസരങ്ങളിലേക്കായി വല്ലപ്പോഴും  വ്യക്തിപരമായ ആവശ്യങ്ങള്‍ക്കായി ഇടക്കിടക്കും നാടനുണ്ടാക്കുക എന്നൊരു ശീലം നമ്മുടെ കുഗ്രാമങ്ങളിലെ ജനങ്ങളില്‍ തുടങ്ങിയിട്ടുണ്ടോ എന്ന് പുതിയ പഠനങ്ങളിലൂട കണ്ടെത്തേണ്ടതുണ്ട്.             ഇത്രയും പറഞ്ഞത് ഒരു സുപ്രഭാതത്തില്‍ എഴുന്നേറ്റുവന്ന് വെളിപാടുണ്ടായ...
Read more

#ദിനസരികള്‍ 1208 - കടലു കാണാന്‍ പോയവര്‍

-
                കണ്ണില്ലാത്ത കുട്ടികളെ കടല്‍ കാണിക്കേണ്ടതെങ്ങനെ ? എന്നൊരു വിഷമകരമായ ചോദ്യം കടലു കാണാന്‍ പോയവര്‍ എന്ന കവിതയില്‍ സുഗതകുമാരി ഉന്നയിക്കുന്നുണ്ട്. കടല്‍ കാണാന്‍ പോകാം എന്നു വാശിപിടിക്കുന്ന കുഞ്ഞുങ്ങളെച്ചൊല്ലി കവി ആലോചിക്കുന്നു :-             " ഇവരെയെമ്മട്ടില്‍ കടല്‍‌ കാണിക്കേണ്ടൂ             ഇവര്‍ കണ്ണില്ലാത്ത കിടാങ്ങളല്ലയോ ?             ഇവര്‍ക്കു വാനമില്ലിവര്‍ക്കു താരമി             ല്ലിവര്‍ക്കമ്മാവനായ് ചിരിക്കില്ലാ തിങ്കള്‍ "             ഇവര്‍ക്കു പൂക്കളും നിറമില്ലാത്തവര്‍             ഇവര്‍ക്കു പെറ്റമ്മ മുഖമില്ലാത്തവള്‍     ...
Read more